اسلام آباد 11 اګست (اے پي پي) د اطلاعات او خپرونو وفاقي وزير چوهدري فواد حسين وئيلي دي پاکستان د يوي لوئې ميډيا وار سره مخ دے، په سوشل ميډيا هند د پاکستان په ضد ډنډورې کوي ٬ پي ټي اېم د رياست مخالف 150 ټرينډز چلولي،د هېواد دښمنه عناصر د پاکستان په ضد ډنډورې لپاره سوشل ميډيا زياته كاروي ،د ن ليګ ميډيا ټيم او جے يو آئي (ف) هم د اسرائيل په ټرينډز كښې برخه اخستي ،په دې ډڼډوره كښې د افغانستان ځيني كسان هم ككړ دي ، پاکستان كښې فرقه وارانه نفرت او د لساني فسادات په هڅو كښې هم د بهر هېوادونو څخه سوشل ميډيا اکاونټس لاس لري ، د نور مقدم کيس په بنياد ګرځولو د هند په تي ټي وي چينلز د پاکستان په ضد څو ساعته ويډيوز اپ لوډ کړے شوي۔د دې خيالاتو څرګندونه ده د شورو په ورځ پرېس کنفرنس ته وكړه۔ په دې موقع د وزيراعظم د قامي سلامتيا صلاحكار ډاکټر معيد يوسف هم موجود ؤ۔ وفاقي وزير چوهدري فواد حسين ووئيل پاکستان د يو پلان ترمخه ټارګټ کړے كيږي او د پاکستان په ضد جعلي خبرونه خپريږي ، دغه به مونږ په بشپړه ډول نړۍ ته څرګندوو۔ده ووئيل د اطلاعات وزارت ډيجيټل ميډيا ونګ يو مفصل رپورټ جوړ كړے چې پكښې وئيلي شوي چې په څه ډول د پاکستان په ضد سوشل ميډيا په خاص توګه استعماليږي، په دې كښې لوئې كردار د چا دے۔په دې رپورټ كښې د دوو كلونو ډيټا شامل کړې شوې ۔ده ووئيل 2019ء نه تر اګست 2021ء د پاکستان سوشل ميډيا يوه تفصيلي تجزيه په دغه رپورټ كښې شامله ده۔ده په دې خبره د افسوس څرګندونه وكړه چې د پاکستان په ضد د سوشل ميډيا ټرينډز هند ليډ كړي، په دې كښې په پاكستان كښې دننه د ټولو لوئې كردار د پي ټي اېم او هغه سره د تعلق لرونكو ورکرز دے د چا چې هند په دې اړه مرسته كړې ۔ده ووئيل ان ټرينډز كښې د افغانستان موجوده حکومت كسان هم شامل دي۔ پي ټي اېم د پاكستان رياست په ضد په دوو كلونو كښې 150 مين ټرينډز ليډ کړي ، په دې كښې 37 لکهه ټويټس شوي۔ دغه ټويټس په يو زر ساعته كښې شوي كوم چې د پي ټي اېم په 150 ټرينډز كښې شوي۔ ده ووئيل خوندوره خبره دا ده چې پي ټي اېم د بلوچ بېلتون خوښي تحريك هم مرسته كړې، په 14 اګست 2020ء پي ټي اېم د بلوچستان ساليډيريټي ډے يو ټرينډ چلولے ، په دغه ټرينډ د هند څخه په يوه ورځ كښې يو نيم لكهه ټويټس شوي، دغه ټرينډ اول پي ټي اېم كړے او د دغې مرسته هند كړې ۔ نور ټرينډز هم چليدلي ، د #PTMExposeStateTerrorism (23) زره ټويټس شوي ، #DaSangaAzadiDa (32) زره ټويټس شوي ، د #BalochistanSolidarityDay يو لکهه 45 زره ټويټس شوي، د #TyrantPakistanArmy (34) زره ټويټس شوي ، د #ArmyBehindTargetKilling (32) زره ټويټس شوي ، د #PakArmyKillsPashtun (34) زره ټويټس شوي۔ده ووئيل پي ټي اېم #TRC4PashtunGenocide غوندې ټرينډز پيل كړي او دې ته د هند مرسته ترلاسه وه۔ ده ووئيل د دوو درېو ورځو نه يو ټرينډ #SanctionPakistan چلولې كيږي ، په دغه ټرينډ پي ټي اېم بيا 20 زره ټويټس کړي۔په دې كښې د افغانستان نائب صدر امر الله صالح، نېشنل سيکورټي ايډوائزر رحمت الله اندور او ډيفنس منسټر جنرل بسم الله محمدي هم برخه اخستې ۔ وفاقي وزير چوهدري فواد حسېن ووئېل هند څخه ويکيپيډيا ايډمنسټريټر د پي ټي ايم وګړو لپاره کمپين ډيزائن كوي او دې لپاره ويکيپيډيا پيجز هم چلېږي۔ده ووئيل د دې څخه زيات لوئې ثبوت دا دے چې اي يو د ډس انفو ليب انډين کرونيکلز په نامه سره خپل رپورټ جاري كړے ؤ چې پكښې وئيلي شوي هند 845 ويب سائيټس جوړ كړي كوم چې يواځي د پاکستان په ضد ډس انفارميشن خپروي۔ د دې ويب سائيټس د هند سرکاري نيوز ايجنسي اے اين آئي سره نزدې تعلق ؤ ۔ده ووئيل پاکستان كښې کريمه بلوچ يو ټرينډ #StateKilledKarimaBaloch چلولے شوے ۔ کريمه بلوچ کينيډين شهري وه۔ دسمبر 2020ء كښې مړه شوي وه ، کينيډا پوليس پلټني كړي او وئيلي ئې دي چې هغه اوبو كښې د ډوبېدو په نتيجه كښې مړه شوې ۔ دغسې د عثمان کاکړ مرګ برين هيمبرج څخه شوے ، دې لپاره لس زره څخه زيات ټويټس شوي۔ده ووئيل بلوچستان كښې په يو ماشوم #RapistArmyInBalochistan ټرينډ پېل كړے شوے، په دغه ټرينډ كښې ځيني عناصر د هند څخه او ځيني امريکې څخه ټويټس كړي ۔ ده ووئيل د کالعدم تنظيم تحريك لبيك زيات ټويټس ته د هند مرسته ترلاسه وه ۔ ده ووئيل تحريك لبيك چې كله خپل کمپين پيل كړو نو څلور لكهه ټويټس په 15 ساعته كښې شوي ، په دې كښې لويه برخه د هند وه۔ وفاقي وزير ووئيل د نور مقدم کيس کرمنل کيس دے ، په دې كښې کارروائي مکمل شوې ، ملزم نيولے شوے خو په سوشل ميډيا يو كمپائن پېل كړے شوے چې پكښې وئيلي شوي پاکستان د ميرمنو لپاره محفوظ هېواد نه دے۔ د هند يو چينل د نور مقدم په کيس ګڼي ويډيوز جوړې كړي۔ده ووئيل پاکستان يو لوئې ميډيا وار سره مخ دے چې پكښې د پاکستان په ضد جعلي ميډيا د جعلي خبرونو لپاره استعماليږي۔د يوي پوښتني په ځواب ده ووئيل ځيني داسې ټرينډز چلولې كيږي چې پكښې زياتو وګړو ته د حقائقو تر مخه معلومات نه ترلاسه كيږي۔ده ووئيل پي ټي آئي حقيقي وفاق نمائنده سياسي ګوند دے كوم ته چې په ټول هېواد كښې پذيرائي ترلاسه ده ، وزيراعظم عمران خان په ټول هېواد كښې تر ټولو مقبول ليډر دے۔ د افغانستان په اړه ده ووئيل امريکې افغانستان كښې نزدې دوه زره اربه ډالره خرڅ كړي خو د افغانستان پوځ د دې جوګه نه دے چې د طالبانو مقابله وكړي۔ده ووئيل د افغانستان ټول ليډر شپ ارب پتي دے خو د افغانستان وګړي زيات غريبانان دي، بايد د دې حساب وركړي۔(SFA)
پاکستان د يو لوئې ميډيا وار سره مخ دے د اطلاعات وفاقي وزير چوهدري فواد حسين پريس کنفرنس ته وينا
مضمون کا ماخذ : میگا ملینز لاٹری
متعلقہ مضامین
