اېبټ آباد 10 جولائي (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې د آزاد كشمير په ټاكنو كښې دوه ماشومان د خپلو پلارانو كرپشن بچ كولو لپاره راوتلي دي، كومو چې په خپل لاس كله يوه روپې هم نه ده ګټلې ، هغوي به د هېواد معيشت څنګه وچلوي، ن ليګ او پي پي پي د بادشاهت كلچر دے، كله چې دوي اقتدار پرېښودو نو هېواد دېواليه كېدو ته نزدے و، نن پاكستان په خپلو پښو ولاړ دے، مونږ د تاريخ تر ټولو لوي پرمختيائي بجټ وړاندے كړے، مونږ پاكستان يو نوي منزل سره معرفي كول دي، په آزاد كشمير كښې به د تحريك انصاف حكومت وي. ده دا خبرې د خالي په ورځ د پاكستان تحريك انصاف كاركنانو ته په خپله وېنا كښې وكړې. د اطلاعاتو وفاقي وزير ووئيل چې مونږ ته قوم نوي منزل سره معرفي كول دي، عمران خان وړاندې په پاكستان كښې دا بوتان مات كړي دي، په ګلګت بلتستان كښې ئې دوي ته ماتې وركړې او اوس به په آزاد كشمير كښې هم تحريك انصاف وي. ده ووئيل چې د كشميړ د ټاكنو كمپائن روان دے، د دې څخه وړاندې مريم نواز او بلاول بهټو په ګلګت بلتستان كښې كمپائن چلولو خو چې كله په تقريرونو ستړي شول نو دوي ته معلومه شوه چې د دوي خو كانديدان هم پوره نه وو، په كشمير كښې هم دا كار روان دے، مريم نواز او بلاول بهټو خو وېنا ګانې كوي، خو دوي دواړو ته د كشمير تاريخ معلوم نه دے، دوي ته معلومه نه ده چې كشمير سره د پاكستان د خلقو څنګه تړون دے، مريم نواز هغه ده چې په كور كښې ئې د واده په دستوره كښې مودي ګډاګانې كولې، بلاول او مريم ته څه معلومه ده چې د پاكستان خلقو كشميريانو لپاره كومې قربانې وركړې دي. ده ووئيل چې مونږ كشميريانو لپاره درې جنګونه كړي دي. ده ووئيل چې پاكستان تحريك انصاف د لاندې طبقې او غريب اولس خبره كوي. ده ووئيل چې په كومه طريقه نواز شريف حكومت پرېښې و، هېواد ديواليه شوے و، نن پاكستان په خپلو پښو ودرېدلې، نن مونږ د تاريخ تر ټولو لوي پرمختيائي بجټ وركړے.
د اطلاعاتو او خپرونو وفاقي وزير چوهدري فواد حسېن په اېبټ آباد كښې د پي ټي آئي كاركنانو ته وېنا
مضمون کا ماخذ : پاور بال کے نتائج
متعلقہ مضامین
