اسلام آباد۔9دسمبر (اے پی پی):وزیر خارجہ مخدوم شاہ محمود قریشی آکھیے جو پاکستان تے سعودی عرب وچال ??ھاٹے تاریخی برادرانہ تعلقات ہن،ݙوہیں ملکاں وچال ودھ سارے شعبیں اچ تعاون دے موقع موجود ہن جیں توں ??ائدہ چاوݨ دی لوڑھ اے ۔اے ڳالھ انھاں پاکستان اچ تعینات سعودی سفیر نواف بن سعد المالکی نال ??الھ مھاڑ کریندے ہوئیں آکھی اے جنھاں بدھ کوں ??زارت خارجہ اچ انھاں نال ملاقات کیتی ۔وزیر خارجہ آکھیے جو نائجر اچ منعقدہ او آئی سی وزرائے خارجہ کونسل دے سنتالیویں اجلاس دے موقع تے سعودی وزیر خارجہ شہزادہ فیصل بن فرحان آل سعود دے نال ملاقات اتے ݙو پاسے امور تے ڳالھ مھاڑ تھئی پاکستان ولوں او آئی سی وزرائے خارجہ کونسل دے اجلاس اچ کشمیر دے حوالے نال پیش کیتی ڳی قرارداد دی حمایت تے سعودی وزیر خارجہ اتے سعودی حکومت دے دلوں شکرگزار اوں ۔پاکستان اتے سعودی عرب وچال تاریخی برادرانہ تعلقات ہن۔پاکستانیاں دی ودھ تعداد گزریل کئی دہائیاں توں سعودی عرب اچ رہندی پئی اے تے سعودی عرب دی تعمیر و ترقی اچ اپݨا کردار ادا کریندی پئی اے ۔
