اسلام آباد ۔ 22 اپریل (اے پی پی)صدر مم??کت ممنون حسین نال وزیر اعظم محمد نواز شریف ایوانِ صدراچ ملاقات کیتی ،جمعے دی سویل تھیونڑ آلی ملاقات اچ ملک دی مجموعی صورت حال اتے پاک چین اقتصادی راہداری منصوبے دے تحت توانائی دے جاری منصوبیاں ، امن و امان دی صورت حال ،اپریشن ضرب عضب اتے قومی معیشت تے گالھ مہاڑ کیتی گئی ۔ایوان صدرولوں جاری بیان دے مطابق وزیراعظم ایں موقع تے صدر مم??کت کوں مختلف امور اچ حکومت دیاں پالیسیاں اتے فیصلیں بارے ڈسایا گیا۔صدر مم??کت آکھیا جو وزیراعظم اتے انہاں دی اقتصادی ٹیم اپنڑی پکی ح??مت عملی دے تحت قومی معیشت دی چنگائی سانگے قابل قدر کردار ادا کریندی پئی ہ?? ۔ڈوہیں رہنماویں اپیل کیتی جو ملک اچ استحکام اتے ترقی سانگے انہاں دے ترقیاتی منصوبیں دے پورا تھیونڑ اچ حکومت نال تعاون کیتا ونجے ۔انہاں آکھیا جو حکومت مختلف ترقیاتی منصوبیں تے عمل در آمد کریندے ہوئیں عوام دے پیسے دے درست اتے شفاف استعمال کوں ہر صورت اچ یقینی بنڑیسی اتے بد عنوانی کوں کہیں وی سطح تے برداشت کائنا ں کریسی ۔صدر مم??کت تے وزیر اعظم اپریشن ضرب عضب دے دوران حاصل تھیونڑ آلیاں کامیابیاں تے اطمینان دا اظہار کریندے ہوئیںآکھیا جو ملک اچ چھیکڑی دہشت گرد دے خاتمے تئیں اپریشن جاری رہس?? ۔ڈوہیں رہنماویں دہشت گردی انتہا پسندی نال نبڑنڑ سانگے مسلح فوج اتے قنون لاونڑ آلے اداریں دے افسراں تے جواناں کوں خراج تحسین پیش کیتا اتے ایں عزم دا اظہار کیتا جو ملک دے سارے حصیں اچ پورے امن دی بحالی سانگے نیشنل ایکشن پلان تے عمل جاری رہسے ۔صدر مم??کت تے وزیراعظم پاک چین اقتصادی راہداری دی تعمیر تے اطمینان دا اظہار کریندے ہوئیں آکھیا جو اے منصوبہ نہ صرف پاکستان بلکہ پورے خطے سانگے گیم چینجر ثابت تھیس?? ۔ڈوہیں رہنماویں پاکستان کوں درپیش مسئلے تے قابو پاونڑ اتے ترقی تے خوشحالی دی شاہرہ تے گامزن رکھنڑ سانگے اتحاد اتے یکجہتی دی ضرورت تے زور ڈتا ۔
صدر مملکت ممنون حسین نال وزیر اعظم محمد نواز شریف دی ملاقات
مضمون کا ماخذ : کلیوپیٹرا
متعلقہ مضامین
