اسلام آباد 04 نومبر (اے پي پي) کشمير او ګلګت بلتستان لپاره د وزيراعظم سلاحكار قمر زمان کائره وئيلي دي په وزيرآباد كښې د پخواني وزيراعظم په لانګ مارچ د ډزو د پېښې تورن نيولے شوے او د پنجاب حكومت په ولقه كښې دے، د دغې تحقيقاتې رپورټ نه وړاندې په وفاقي حكومت تورونه لګول د افسوس وړ دي، په اسد عمر د پارټۍ ذمه وارۍ دي٬ ھغه د وزيراعظم٬ داخله وزير او د دفاع وزير د دې پېښې ذمه وار ګرځولي،ھغه دې د دې ثبوت قام ته وړاندې كړي٬ زه حكومت ته دا تجويز وركوم چې د عمران خان تپوس پوشتنې له پلاوې ولېږلي ٬ د تحريك انصاف په مطالباتو خبرو اترو له چمتو يو خو دې لپاره شرطونه لګول پكار نه دي، د پيپلز پارټۍ قيادت شهيد كړے شوے خو مونږ د اړي ګړي لاره نه د خپله كړې، معاملو ته د تحمل او د صبر د لارې كتل پكار دي، جمهوريت د ډيډ لاك نه بلكې د ډائيلاګ نامه ده، مونږ د مذاكراتو پلوي يو او د احتجاج په حق كښې نه يو۔ د جمعې په ورځ پي آئي ډي كښئ د چوهدري منظور او نورو سره پرېس كنفرنس ته خپلې وېنا كښې قمر زمان کائره ووئيل د وزير آباد په پېښه ټول قام غمژن دے خو د الله پاك شكر دے چې عمران خان محفوظ پاتې شوے، په پېښه كښې د حق رسېدلي وګړي كورنۍ سره هم د همدردۍ څرګندونه كوٶ۔ ده ووئېل په عمران خان د بريد ګردې نړۍ غندنه كړې ٬ زمونږ قيادت، حکومت، وزيراعظم، د پيپلز پارټۍ چيئرمين بلاول بھټو پشمول ټول قيادت د دې پېښې غندنه او د افسوس څرګندونه كړې ٬ ده ووئېل د دې پېښې سپېځلې پلټنې پكار دي٬ وفاقي حكومت بيا بيا وړاندېز كړے چې د دې معاملې سپېځلو پلټنو لپاره چې كومه مرسته پكار وي مونږ به وكړو۔ ده ووئيل د دې پېښې داسې پلټنې پكار دي چې ټول شكونه لرې كړې شي او حقائق رامخې ته شي، ده ووئېل په دې پېښه كښئ مهمه خبره دا ده چې ككړ كس نيولے شوے او فوټېج ئې رامخې ته شوے ، تېر ورځ د نيولي شوي بريد كونكي وېډيو هم رامخئ ته شوې ۔ قمر زمان کائره ووئيل دا زمونږ روايت دے چې د داسې پېښو نه پس بې ګناه كسان په مقدمو كښې ملوث كولې شي چې په سبب ئې دا مقدمه خپل انجام ته نه رسي۔ ده ووئيل دا پېښه د پنجاب په حدود كښې رامخې ته شوې او د جلوس د حفاظت ذمه واري د پنجاب حكومت وه٬ ده ووئېل د جلوس په مهال د پنجاب او خېبرپښتونخوا پوليس نه علاوه د دوي ذاتي ګاډز هم موجود وٶ او د آزاد کشمير او ګلګت بلتستان ځينې پوليس اهلكار هم ولاړ وٶ۔ ده ووئيل د وفاقي حکومت لخوا چې څومره سكيورټي عمران خان ته وركړې شوې دومره بل كوم پخواني وزيراعظم ته نه ده وركړې شوې۔ قمر زمان کائره ووئيل ذوالفقار علي بھټو او بے نظير بھټو شهيدان كړې شوي او مونږ دا زخم په سينه كښې ساتلو سره ټولو سره په ګډه كار كوٶ٬ د داسې پېښو نه پس راپارېدلے اولس كنټرول كول د سياسي مشرانو ذمه واري وي او مونږ هم داسې كړي٬ ده ووئېل بېنظير بهټو چې شهيده كړې شوه نو ھغه وخت سوات او نورو سيمو كښې د پاكستان بېرغ نه هسك كېدو ٬ ھغه وخت آصف زرداري د پاکستان کھپے نعره اوهله او دا معامله كنټرول شوه۔ ده ووئيل په كوم ډول چې د ارشد شريف د قتل او د تېرې ورځ د پېښې نه پس تورونه لګولې كېږي٬ نن هم مراد سعيد دا تور لګولو چې زه ټول ثبوت لرم نو ثبوت دې رامخئ ته كړي۔ ده ووئيل مونږ تل دا موقف اختيار كړے چې ادارو له خپل آئيني حدود كښې پاتې كېدل پكار دي٬ د ماضي د غلطو ازالې له مونږ له د دوي مرسته پكار ده۔ د يوې پوښتنې په ځواب ده ووئيل كه د حالاتو د خرابېدو اندېښنه نه وه نو مونږ به هم د ده د حكومت په ضد مارچ كړے ؤ ٬ مونږ هم اجتماع او كسان راجمع كولې شول
د پي ټي آئي قيادت دې د تحمل او زيركتيا نه كار واخلي٬ د ډزو د پېښې تورن نيولے شوے او د پنجاب حكومت په ولقه كښې دے، په وفاقي حکومت تورونه لګول د افسوس وړ دي۔ د قمر زمان کائره چوهدري منظور او نورو سره پرېس كنفرنس
مضمون کا ماخذ : ایزٹیک گولڈ
متعلقہ مضامین
