اسلام آباد۔21نومبر (اے پی پی) وفاقی وزیر داخلہ محسن نقو?? آکھیا جو ڳالھ مہاڑ دے حق اچ ہم پر دھمکیاں نال ڳالھ نی تھی سڳدی، بانی ??ی ٹی آئی نال حکومت دے کہیں قسم دے مذاکرات کائنی تھیندے پئے۔ اگر بانی ??ی ٹٰی آئی ڳالھ کرݨی اے تاں عدالتاں نال کرن جتھ انہاں کوں رہائی مل سڳدی اے۔ احتجاج آپݨے ضلعے اتے صوبے اچ کرن۔ کہیں کوں اسلام آباد تے یلغار دی موکل نی ݙے سڳدے۔ او خمیس کوں اسلام آباد ہائیکورٹ اچ پیشی دے بعد میڈیا نال ڳالھ مہاڑ کریندے پئے ہن۔ سیکرٹری داخلہ آغا خرم ، آئی جی اسلام آباد سید علی ناصر رضوی ، چیف کمشنر اسلام آباد وی وزیر داخلہ دے نال عدالت اچ پیش تھیے۔ وزیر داخلہ محسن نقو?? آکھیا جو 24 نومبر کوں بیلاروس توں 65 رکنی ??فد امدا پئے جئیں اچ ݙاہ وزیرہن۔ 25 نومبر کوں بیلاروس دے صدر امدے پئن جنہاں دا ترائے ݙینھ دا دورہ اے۔ ایجھا ماحول اے جو اساکواں کنٹینر لاوݨے پوسن اتے موبائل فون سروس وی بن?? کرݨی پوسی کیونجو ریاست دے مزماناں دی حفاظت اساݙی پہلی ترجیح اے۔ اساں کہیں کوں جلسے جلوس دی موکل نی ݙے سڳدے۔ انتظامیہ آپݨے انتظامات پورے کریسی۔بانی تحریک انصاف نال مذاکرات بارے سوال تے انہاں آکھیا جو انہاں نال کوئی مذاکرات کائنی تھیندے پئن۔ مذاکرات دھمکیاں نال نی تھیندے۔ ڳالھ مہاڑ دے حق اچ ہم پر دھمکیاں نال ڳالھ نی تھی سڳدی۔ہک سوال دے ولدے اچ انہاں آکھیا جو موبائل فون سروس بن??کرݨ دا فیصلہ کل رات تئیں کیتا ویسی۔ انہاں آکھیا جو وزیر اعلیٰ خیبرپختونخوا، چیف سیکرٹری اتے آئی جی نال روز کہیں نہ کہیں بارے رابطہ رہندے۔ ہݨٰں خیبرپختونخوا توں ایف سی دی 15 پلاٹان دی درخواست آئی اے، او اساݙا صوبہ اے اساں نی چھوڑ سڳدے۔ انہاں آکھیا جو اسلام آباد اچ رہݨ آلے افغانیاں بار?? لائحہ عمل جلدی ٻݨآ ڳھدا ویسی۔ ہر احتجاج اچ گرفتار تھیوݨ آلے سواچوں 25 افغانی ??کلدن، پاکستانیاں دا احتجاج تاں سمجھ امدے افغان کیوں احتجاج کریندے پئن؟ بانی ??ی ٹی آئی دی مذاکرات دی ڈیڈ لائن بارے انہاں آکھیا جو عمران خان نال مذاکرات تھیندے کݙاں پئن؟ ہک سوال دے ولدے اچ انہاں آکھیا جو علی امین گنڈاپور اتے بیرسٹر گوہر عمران خان نال ملاقاتاں کیتن۔ اگر او مذاکرات کرݨ چاہندن تاں ݙساون۔
ڳالھ مہاڑ دے حق اچ ہم پر دھمکیاں نال ڳالھ نی تھی سڳدی، بانی پی ٹی آئی نال حکومت دے کہیں قسم دے مذاکرات کائنی تھیندے پئے، وفاقی وزیر داخلہ محسن نقوی
مضمون کا ماخذ : اسلام آباد لاٹری
متعلقہ مضامین
