دوشبنے 30 مارچ (اے پي پي) خارجه وزير مخدوم شاه محمود قريشي د نهې په ورځ په دوشنبے كښې ” د آسيا زړه- د استنبول پروسس” كانفرنس په موقع افغان اولس مشر اشرف غني سره ملاقات كړے. د ملاقات په مهال د پاكستان او افغانستان په دوه اړخيزه اړيكو او د افغانستان د سولې عمل پشمول د شريكې خوښې په بېلا بېلو چارو خبرې شوي . خارجه وزير ووئيل په منطقه او په خاص توګه په افغانستان كښې امن لپاره په هڅو كښې د آسيا زړه- د استنبول پروسس وزارتي غونډه يو مثبت او ښه اقدام دے. شاه محمود قريشي ووئيل سوله ايز او مستحكم افغانستان د پاكستان په ګټه دے. پاكستان په منطقه كښې امن او استحكام لپاره په افغانستان كښې امن ضروري ګڼي. شاه محمود قريشي وووئيل مونږ په افغانستان كښې د تشدد په زياتېدونكو پېښو اندېښنه لرو. پاكستان دريځ لري چې د افغانستان مسئله د طاقت د لارې نه شي حل كېدے. ده ووئيل پاكستان د كوټلو خبرو اترو د لارې د افغان مسئلې د سياسي حل مرستياله دے. د افغانانو ترمېنځه د خبرو په نتيجه كښې مثبت پرمختګ د افغانستان د سولې عمل منطقي انجام ته رسولو له مرستياله ثابتېدے شي. شاه محمود قريشي ووئيل پاكستان د افغانستان د سولې عمل پشمول په منطقه كښې امن لپاره خپلې په زړه پورې هڅې دوامداره ساتلو لپاره پوخ عزم لري. دغسې افغان اولس مشر اشرف غني د وزيراعظم عمران خان زر روغتيا لپاره د نېكو هيلو څرګندونه وكړه
د خارجه وزير مخدوم شاه محمود قريشي په دوشنبے كښې ” د آسيا زړه- د استنبول پروسس” كانفرنس په موقع افغان اولس مشر اشرف غني سره ملاقات
مضمون کا ماخذ : پیش گوئی اور حکمت عملی
متعلقہ مضامین
