اسلام آباد 15 ستمبر (اے پي پي) په ټول هېواد كښې د پشكال بارانونو او سيلاب له امله د مړو شميره 1486 ته رسيدلې ده، د تيرو 24 ساعتو په مهال نور 5 كسان مړه شوي،د بارانونو موسم پيل كيدو نه تر اوسه 12,749 كسان ژوبل شوي۔ نېشنل ډيزاسټر مينجمنټ اتھارټي (اين ډي ايم اے) د معمول په بنياد د 24 ساعتو صورتحال رپورټ جاري كړے چې پكښې د هېواد بيلو برخو كښې د بارانونو په وجه په مجموعي توګه د ځاني ، املاك او بنيادي ډھانچې ته د رسيدلي زيان جاج وړاندې شوے۔ رپورټ له مخې بارانونو او طوفاني سيلاب له امله ځپلو سيمو كښې ګڼ كسان مړه شوې ۔ بلوچستان قلعه سېف الله كښې يو نارينه ، ميرمن او ماشوم مړ شوے دغسې خېبرپښتونخوا (كے پي) ضلع كرم كښې يو كس او يو ماشوم مړ شوے او بل يو ژوبل شوے ۔ د تيرو 24 ساعتو په مهال اسلام آباد كيپټل ټيريټري (آئي سي ټي)، ګلګت بلتستان (جي بي)، پنجاب، سندھ او آزاد جمو او كشمير (اے جے كے) كښې كومه پېښه نه ده رامخې ته شوي۔د شميرې له مخې د بارانونو له امله 300 كلوميټره سړكونو ته زيان رسيدلے دغسې 10,336 څاروي مړه شوي ٬ بيلو پېښو كښې 5,091 كورونو ته زيان رسيدلے۔ خېبرپښتونخوا كښې نزدې 6 ډلو سروے پيل كړې كومه چې په 15 ستمبر پيل شوې او تر 15 اكتوبر به بشپره شي۔ سندھ كښې به سروے په عملي توګه په 25 ستمبر پيل كېږي
ټول هېواد كښې د پشكال بارانونو او سيلاب له امله د مړو شميره 1486 ته ورسيده، د تيرو 24 ساعتو په مهال نور 5 كسان مړه شول ۔اين ډي اېم اے رپورټ
مضمون کا ماخذ : خوش قسمت لڑکی
متعلقہ مضامین
