د صحت کارډ وركړه د حکومت په زړه پورې فلاحي ګام دے٬ تر اوسه ترې 20 لكه كسان مستفيد شوي٬ 46 اربه روپۍ د كلمېز په مد كښې ادا كړے شوي ٬ د فېصل آباد 32 لكه كورنۍ به د صحت كارډ څخه استفاده وكړي٬ د وزيراعظم په راتګ د فرخ حبيب د هرکلي وېنا

APP17-090222 FAISALABAD: February 09 - Minister of State for Information and Broadcasting Farrukh Habib addressing the launching ceremony of Naya Pakistan National Health Cards at University of Agriculture Faisalabad. APP photo by Tasawar Abbas

فیصل آباد۔9فروری(اے پی پی) د اطلاعات او خپرونو وزير مملكت فرخ حبيب وئيلي دي د صحت کارډ وركړه د حکومت په زړه پورې فلاحي اقدام دے ٬ تر دې دمه 20 لكه كسان مستفيد شوي٬ 46 اربه روپۍ د كلمېز په مد كښې ادا كړے شوي ٬ د فېصل آباد 32 لكه كورنۍ به د صحت كارډ څخه استفاده وكړي ۔ د دې خيالاتو څرګندونه هغه د شورؤ په ورځ د فېصل آباد ډویژن 32 لکه كورنيو لپاره د صحت كارډ اجراﺀ پرانستې دستورې ته د استقباليې خطبه كښې وكړه۔ په دې موقع د پنجاب وزيراعلی سردار عثمان بزدار، وفاقي وزيران اسد عمر، شفقت محمود، د وزيراعظم خاص مرستيال شهباز ګل، د پنجاب د صحت وزيره ډاکټر ياسمين راشد او نور هم موجود وو۔ هغه ووئيل ننۍ ورځ فېصل آباد ډويژن لپاره ډېره د خوشحالۍ ده۔ نن زمونږ ترمينځه وزیر اعظم عمران خان پخپله موجود دے او د فېصل آباد ډويژن هرې كورنۍ ته د 10 لكه روپو د ماليت يونېورسل هېلت انشورنس صحت كارډ اجرا كوي۔ هغه ووئيل تر دې دمه له دې كارډ څخه د پنجاب، اسلام آ باد او کشمیر 20 لكه نه زياتو كسانو استفاده كړې او د 46 ارب روپو كلېمز ادا كړے شوي۔ فرخ حبیب ووئيل په تېر وخت كښې چې به د كوم واكمن په خېټه كښې دړد شو نو هغه به قامي خزانه لوټ كړه او بهر هېوادونو ته به خپلې درملنې لبره تلوو خو د دوئي په مقابله كښې د عمران خان ژوند او مرګ د خپل اولس سره دے ٬ ځكه حكومت تر ټولو معياري 900 روغتونونه د هېلت كارډ په پېنل مقرر كړي چې ورسره به د 4 كروړه نه زياتې كورنۍ استفاده وكړي۔ هغه ووئيل د عمران خان څلور اقدامات داسې دي كوم چې ګردې نړۍ ستائلي ٬ په دې كښې بلين ټري سونامي پروګرام ٬ د 260 اربه روبو احساس پروګرام ٬ د كووډ په مهال كاروباري نظام روان ساتل او د صحت كارډ اجرا كوم لپاره چې يوازې په پنجاب كښې 400 اربه روپۍ مصرف كولې شي۔ هغه ووئيل د وزيراعظم په مشرۍ او د سردار عثمان بزدار په نګرانۍ كښې د 750 اربه روپو پرمختيائي بجټ سره په زړه پورې ګامونه پورته كولې شي او په پرمختيائي منصوبو كار روان دے۔ د مور كوچني 8 روغتونونه جوړولې شي٬ د سوؤنو په شمېر روغتونونه اپ ګرېډ كولې شي ٬ 19 پوهنتونونه جوړولې شي۔ هغه ووئيل عمران خان د هېواد او اولس وروستې اميد دے ځكه مونږ له به عمران خان لا مضبوطول وي دغسې چې هېواد د پرمختګ او سوكالۍ سفر روان وساتلے شي۔ هغه ووئيل عمران خان اولنے وزيراعظم دے څوك چې د اولس سوچ كوي۔ هغه ووئيل كومو خلكو چې به نجي روغتونونو ته د تللو سوچ هم نه شو كولے اوس به هغوي دغلته درملنې كوي او د دې مصاريف به د عمران خان حكومت ادا كوي۔

مضمون کا ماخذ : تعداد بہت زیادہ ہے۔