اسلام آباد 07 مارچ (اے پی پی) د نړيوالو چارو پوهانو او تجزيه كارو وئيلي دي افغانستان څخه د داعش او نورو ترهګرو تنظيمونو خاتمې لپاره افغان لنډ مهاله حكومت مضبوطول ضروري دي، دا وخت دے جې د منطقې هېوادونه او نړيواله ورورولي په ګډه افغانستان څخه د ترهګرو خاتمې لپاره شريكه لائحه اختيار كړي، كه په افغانستان كښې د ترهګرو په تنظيمونو قابو ونه موندلے شو نو نه يوازې منطقه بلكې د نړۍ امن ته به خطر سره مخ شي۔ د ګل په ورځ د پي ټي وي پروګرام كابل آور كښې د خبرو په مهال دفاعي تجزيه كار بریګېډیئر (ر) امیر محمد برکي ووئيل افغان لنډ مهاله حكومت هڅه كوي چې د افغانستان خاوره د شرخوښو نه محفوظ وساتي او د افغانستان خاوره د كوم هېواد په ضد هم ونه كارولې شي۔ ده ووئيل افغانستان څخه چې په كوم ډول د امريكې او ناټو ځواكونه وتلي په دې حالاتو كښې ترهګرې ډلې بيا په افغانستان كښې سر پورته كوي، دا وخت دے چې د منطقې هېوادونه او نړيواله ورورولي په ګډه افغانستان څخه د ترهګرو خاتمې لپاره كردار ولوبوي۔ ده ووئيل د پاکستان په پوله په افغان ولايتونو كښې د داعش هڅې په زياتېدو دي، هېواد دښمنه عناصر پاكستان كښې عدم استحكام پېدا كولو لپاره هڅې كوي خو د پاكستان ځواكونو ٬ استخباراتي اېجنسيو او اولس په ګډه وړاندې هم د ترهګرو ناوړه عزائم خاورې كړي او بيا به هم ماتې وركوي ۔ ده ووئيل نړيواله ورورولي دې په افغانستان كښې امن او استحکام او د دوي د معيشت بهترۍ لپاره ذمه وار كردار ولوبوي، كه په افغانستان كښې امن قائم نشو نو نور ترهګر تنظيمونه به سر پورته كړي۔ تبصرہ نګار نوخېز ساهي ووئيل نړۍ دا غواړي چې د افغانستان خاوره د كوم بل هېواد په ضد ونه كارولې شي، افغانستان دا مهال معاشي مسئلو سره مخ دے٬ د ملګرو ملتونو د رپورټ له مخې كه افغانستان سره غذائي مرسته ونه كړې شوه نو په لويه شمېره د مرګونو اندېښنه ده، افغانستان څخه د داعش او نورو ترهګرو تنظيمونو خاتمې لپاره افغان لنډ مهاله حكومت مضبوطول ضرورې دي۔ ده ووئيل د سيمه ايزو روابطو ودې او په منطقه كښې پرمختګ لپاره افغانستان مستحکم كېدل ضروري دي ٬ په دې لړ كښې د پاکستان، چین او روسه پشمول د منطقې د نورو هېوادنوو ذمه وارۍ زياتېږي ٬ نوخیز ساهي ووئيل كه افغانستان كښې د ترهګرو اثرو رسوخ زيات شو نو نه يوازې پاکستان بلکې د منطقې نورو هېوادونو ته به هم خطرې ورمخې ته شي۔ ده ووئيل افغان لنډ مهاله حكومت له به هم د نړۍ باور ترلاسه كولو لپاره مخكښې د خپل اولس اعتماد بحالول وي۔ تجزیه کار همایوں خان ووئيل په منطقه كښې امن لپاره د افغان لنډ مهاله حكومت مضبوطول ضروري دي، په دې لړ كښې د ریونیو جنرېشن او بېنکنګ سسټم د انټرنېشنل چېنلز داخلېدل ضروري دي۔ ده ووئيل په افغانستان كښې د لوبو د هلو ځلو بحالي مثبت پېشرفت دے
افغانستان څخه د داعش او نورو ترهګرو تنظيمونو خاتمې لپاره افغان لنډ مهاله حكومت مضبوطول ضروري دي۔ پوهان او تجزيه كار
مضمون کا ماخذ : números quina hoje
متعلقہ مضامین
.jpg)
