فيصل آباد 13جون (اے پي پي) اطلاعاتو او خپرونو وزيرمملكت فرخ حبيب وئيلي دي چې وزيراعظم عمران خان د لوظ له مخې اولس دوست بجټ وركړې٬ ګراني چې څومره زياتېده زياته شوې٬اوس يې د كمېدو لړۍ پیل شوې٬مزدور٬كروندګرو او هرې طبقې دا غوره بجټ ګرځولې۔د 40 نه تر 60 لكه كورنۍ په خپلو پښو ودرولو لپاره كامياب پاكستان پروګرام پېل كولې شي چې پكښې به هرې كورنۍ ته 5 لكه روپۍ وركولې شي۔د كم آمدن خلكو ته به كوړ جوړولو لپاره 20 لكه روپۍ وركولې شي۔كروندګرو ته به هر فصل لپاره يو نيم لك او مشينرۍ لپاره 2 لكه روپۍ د سود نه بغېر وركولې شي٬د لويو صنعتونو په پرمختګ كښې 12.5 فيصد او په ترسيلات زر كښې رېكارډ اضافه شوې۔ده دا خبرې د اتوار په ورځ په سركټ هاؤس فيصل آباد كښې خبري كنفرنس ته په خپله وېنا كښې وكړې۔وزيرمملكت فرخ حبيب ووئيل چې اولس سره مو لوظ كړې و چې بجټ به اولس دوست وي٬دا به په پاكستان كښې د هرې طبقې بجټ وي٬عمران خان دا لوظ پوره كړې دې۔ده ووئيل چې وزيراعظم عمران خان پريكړه كړې چې دوه نيم كروړه پاكستانيانو لپاره دې پروګرام پېل كړې شي٬دوي لپاره كامياب پاكستان پروګرام پېل كولې شي۔ده ووئيل چې پي اېس ډي پي د 630 ارب روپۍ نه زياتولو سره 900 ارب روپۍ ته رسولې شوې٬دا 40 فيصده اضافه ده٬د دې په نتيجه كښې به رغونې او پرمختګ سره سره د روزګار موقعې هم پېدا شي۔ده ووئيل چې په تېر وخت كښې د اوبو ذخيره كولو څانګه نظر انداز كړې شوې٬په بجټ كښې د اوبو لس ذخيرو لپاره هم فنډونه پېل كړې شوي دي۔ده ووئيل چې د عمران خان حكومت په دې بجټ كښې سندھ ٬بلوچستان او ګلګت بلتستان لپاره هم بجټ بېل كړې۔په تېر وخت كښې اېن اېف سي ايوارډ ډېر كم و خو ااوسي حكومت اېن اېف سي ايوارډ د 27.4 ارب نه 3412 ارب ته رسولې۔ده ووئيل چې په اولس كوم نوې ټېكس نه دې لګولې شوې٬په اېن اېف سي كښې صوبو ته لويه برخه وركولې كېږي۔صوبې دې د صوبائي فنانس ايوارډ اعلان وكړي۔ده ووئيل چې كله زمونږ حكومت راغلو نو هغه وخت د يو كس آمدن 181441 و اوس د يو كس آمدن 246414 دې۔دا اضافه 36.6 فيصد ده۔ده ووئيل چې عمران خان د ټولو چېلنجونو مقابله كړې۔په تنخاګانو او پنشن كښې اضافه شوې٬ورځې اجرت 20 زره ټاكل شوې٬د برېښنا په بيعو كښې اضافه نه ده شوې۔ده ووئيل چې د پيپلز كوند په دور كښې بي آئي اېس پي لپاره 70 اربه روپۍ كېښودلې شوې وې۔د عمران خان حكومت په احساس پروګرام كښې 34 فيصد اضافه كړې٬دې پروګرام لپاره 260ارب روپۍ بېلې كړې شوي دي٬احساس پروګرام 1 كروړ خلكو ته رسېدلې۔
وزيراعظم عمران خان د لوظ له مخې اولس دوست بجټ وركړې۔ګراني چې څومره زياتېده زياته شوې٬اوس يې د كمېدو لړۍ پیل شوې۔د اطلاعاتو او خپرونو وزيرمملكت فرخ حبيب خبري كنفرنس ته وېنا
مضمون کا ماخذ : کمپیوٹر لاٹری کا ٹکٹ
متعلقہ مضامین
