اسلام آباد21ستمبر (اے پي پي) د كورنيو چارو وفاقي وزير شېخ رشيد احمد وئيلي دي وزيراعظم عمران خان د كال 2023 په ټول ټاكنو كښې د الېكټرانك ووتنګ مشين (اي وي اېم) د كارولو او د سمندر پورې پاكستانيانو ته د ووټ حق وركولو عزم لري٬ د اي وي اېم په معامله اپوزيشن په اعتماد كښې د اخستو هڅې كوٶ او مونږ د اپوزيشن او الېكشن كمېشن پشمول د ټولو شراكتدارو تحفظات او اندېښنې لرې كولو له چمتو يو۔ د نهې په ورځ نجي ټي سره خپلې مركه كښې ده ووئيل د وزيراعظم عمران خان په مشرۍ كښې د پاكستان په نړيواله كچه تشحص ښه شوے او هېواد د پرمختګ منزل پلو روان دے۔ ده ووئيل وزيراعظم عمران خان بهنه يواځې خپله آئيني موده ترسره كوي بلكې په راتلونكې الېكشن كښې به هم كاميابي ترلاسه كوي۔ وفاقي وزير ووئيل د نيوزي لېنډ لوبدلې ته د امنيتي تهرټ نه ٶ٬ ټولې پلټنې بشپړې كړې شوي او په يو څو ورځو كښې به نړۍ ته ثبوت وركړو۔ شېخ رشيد احمد ووئيل نيوزي لېنډ د دورې منسوخ كولو نه پس وئيلي وٶ انګلش لوبډله به هم نه راځي٬ په برتانيه كښې چې څومره كرونا ده دومره پاكستان كښې نشته۔ ده ووئيل افغانستان كښې امن د پاكستان په ګټه دے٬ مونږ هلته امن او استحكام ليدل غواړو٬ پاكستان په افغانستان كښې د امن عمل مخ په وراندې بوتللو كښې كليدي كردار لوبولے ٬ د هند په افغانستان كښې د اربونو ډالرو سرمايه كاري خاورې شوې ۔ ده ووئيل پاكستان چين او د روسيه پشمول د منطقې نورو هېوادونو سره په تماس كښې دے او د طالبانو حكومت د تسليمولو پرېكړه به ګاٶنډيانو هېوادونو سره په ګډه كوٶ۔ ده ووئيل پاکستان د افغانستان څخه د غېر ملكيانو په انخلاء كښې مهم كردار لوبولے٬ مونږ د ورلډ بېنك ٬ آئي اېم اېف نمائندګانو پشمول د لس زره نه زيات غېر ملكيانراويستلي او اوس د پاكستان څخه خپل اړوندو هېوادونو ته تللو لپاره د فلائټس په انتظار كښې دي۔ ده ووئيل د افغانستاننه يو كډوال نه دے راغلے او نه دلته كوم د كډوالو كېمپ شته خو بيا به هم مونږ افغانانو لپاره مرسته روانه ساتو۔
وزيراعظم عمران خان د كال 2023 په ټول ټاكنو كښې د اي وي اېم د كارولو او د سمندر پورې پاكستانيانو ته د ووټ حق وركولو عزم لري٬ پاكستان په افغانستان كښې د امن عمل مخ په وراندې بوتللو كښې كليدي كردار لوبولے۔ د شيخ رشيد احمد ټي وي سره مركه
مضمون کا ماخذ : لوٹیریا سانتا کیٹرینا
متعلقہ مضامین
